أشرف عبد الباقى وروبى

- Funny bloopers R us

شعبولا ع البلاج

- The most popular videos are a click away

نكت متنوعة

مهندس كمبيوتر بيحللوا دمه طع فصيلته اكس بى

عفريت ركب واحد صومالى مات من الجوع

صرصارين اتقابلوا فى غرفة الانعاش ، واحد يسأل التانى : بيروسول برضه ؟ قال له : لا ، شبشب

صرصار يتخانق مع أم اربعة واربعين مابقاش عارف القلم جاى منين

صعيدى ضرب صاحبه على قفاه
ساله بجد ده ولا هزار
قاله جد
قال له آه أصل مش بحب الهزار

صعيدى عمل عملية , نجحت العملية ، عملها تانى

صعيدى راح لندن شاف باص بدورين ، قال ياااااااااه كل دى حادثة !! باصين فوق بعض

طفل يقول لباباه : بابا لما يكبروا صحابى ، هالعب مع مين ؟؟

صعيدى شاف اعلان مارلبورو راح اشترى حصان

واحدة جابت لخطيبها بغبغان , تانى يوم تسأله : ها ايه رأيك فيه ؟
قال لها : عادى ، مايفرقش كتير عن لحم الفراخ

صعايدة عملوا مظاهرة ضد أمريكا , لبسوا واحد لبس بوش وحرقوه

واحد مسطول دخل البيت لقى شاب مع مراته ، قال لها ماشاء الله ، النهاردة شباب وبكرة الاقيكى تشربى سجاير

مسطول يسأل شيخ : الصلاة تنفع من غير وضوء ؟
قال له طبعا ماتنفعش
قال له طيب وايه رأيك انى عملتها ونفعت

مجموعة سلاحف طلعوا رحلة واخدوا معاهم أكلهم ، عسكروا فى مكان وجابوا الكل ، مالقوش خبز ، اتفقوا يبعتوا واحدة منهم تجيب الخبز ، عملوا قرعة وجت على واحدة ، قالوا لها روحى انتى ومش هاناكل الا لما ترجعى
انتظروها سنة واتنين وخمسة لغاية 10 سنوات ، لما جاعوا قالوا خلاص ناكل ، جايين ياكلوا طلعت لهم السلحفاة من ورا صخرة وقالت لهم : كنت عارفاكم هاتاكلوا من غيرى علشان كده مارحتش

ليه بيشنقوا القاتل ؟

- Click here for more free videos

نكتة جميلة

- Click here for another funny movie.

نكت أطباء

واحد راح لدكتور يقول له :
الحقنى يا دكتور .. كل ما انام احلم ان فيه كتاكيت بتلعب ماتش كورة
الدكتور قاله خلاص حاول ماتنامش النهاردوة وبكرة
رد قال : مانامش ازاى يا دكتور ده النهاردة النهائى

************************************
دكتور فتح عيادة وكتب انه يعالج كل الأمراض بس الكشف 500 جنيه ولو فشل يرجع الكشف وفوقه 100 جنيه
واحد صاحبنا راح ينصب على الكتور
قال له : يا دكتور مش باحس بطعم أى أكل نهائيا
الدكتور نادى المساعد وقال له هات ملعقة من البرطمان رقم 25
جه المساعد الدكتور قال للمريض غمض وحط الملعقة فى بقه
المريض صرخ وقال : اااااااااه دى شطة ؟؟؟
الدكتور قال له الحمد لله بقيت بتحس بطعم الأكل
صاحبنا خرج ودمه محروق وقال لازم ارجع له تانى
بعد شهر رجع له
الدكتور قاله خير
قاله يا دكتور انا بانسى كل حاجة
قال له طيب انت جيت قبل كده
قال له لا يا دكتور
الدكتور نادى المساعد وقال له هات ملعقة من البرطمان رقم 25
المريض قال له لا بلاش الشطة
رد الدكتور وقال له الحمد لله افتكرت

************************************
واحد راح لدكتور تحاليل سأل الممرض بكام تحليل البول
قال له 10 جنيه
قال له ليه ؟
الدكتور اللى فى اول الشارع بيحلل ب 7 والبول من عنده

************************************
دكتور عيون قاعد مع خطيبته ،مسك وردة فى ايده وقال لها شايفة الوردة دى ؟
قالت له أيوة
رفع ايده شوية وقال لها
طيب كده شايفاها ؟؟؟

************************************
واحد راح لدكتور وقال له : انا يا دكتور بانسى كل حاجة
الدكتور سأله والموضوع ده عندك من امتى ؟؟
قال له موضوع ايه يا دكتور ؟؟

************************************
دكتور أسنان اشترى عود قصب لقاه مسوس ، حشاه ومصه

************************************
واحد راح لدكتور أسنان وقال له : ضرسى ده يا دكتور جننى طول الليل من الوجع
الدكتور شاف الضرس وقال له أخلعه لك
قال له لا
اخلعهم كلهم وسيبه لواحده زى الكلب

************************************
واحد راح لدكتور والدكتور وصف له شراب ملعقة 3 مرات يوميا
رجع بعد أسبوع وقزازة الشراب زى ما هى
الدكتور سأله ليه مش أخدت الدوا ؟
قال له يا دكنور مش عرفت أدخل المعلقة فى القزازة

************************************
واحد راح لدكتور وقال له وقعت على السلم ورجلى ورمت وبتوجعنى
الدكتور كتب له دهان وقال له ادهن مكان الوقعة
روح دهن السلم

************************************
واحد راح لدكتور نفسانى
الدكتور كشف عليه وقال له عندك انفصام فى الشخصية
قال له يعنى ايه يا دكتور
قال له يعنى انت عندك شخصيتين
الدكتور كتب له علاج
المريض سأله الكشف بكام
قال له 40 جنيه
المريض عطاه 20
الدكتور قال له بس دول 20 بس
قال له ابقى خد ال باقى من الشخصية التانية